«Бұлбұл» балабақшасында экологиялық тәрбие беру мақсатында балаларға арналған шағын бақша ашылды. Тәрбиешілер балалармен бірге жер жыртып, тұқым сеуіп, көкөністер мен гүлдер екті. Балалар бақшадағы жұмысқа қызығушылықпен кірісіп, суды құйып, өскіндерді бақылауда.
Бұл жоба балаларға еңбекке баулып, табиғатты қорғауға үйретеді. Әр топ өз бөлігін күтіп, күн сайын бақшаға барып, өзгерістерді бақылап отыр. Тәрбиешілер күнделік жүргізіп, өсімдіктердің өсуі туралы әңгімелеп отырады.
Ата-аналар да белсенді қатысып, тұқымдар мен құралдарды әкеліп көмектесті. Аула көркейіп, түрлі-түсті тақтайшалар мен балалардың қолдан жасаған бұйымдарымен безендірілді. Жаз соңында «Бақша мерекесі» өткізу жоспарланған.